Гомуми белем бирү оешмаларында шәхси мобиль элемтә җайланмаларыннан файдалану тәртибе турында методик тәкъдимнәр хакында

2019 елның 19 августы, дүшәмбе

Роспотребнадзор, Мәгариф министрлыгы, Рособрнадзор һәм Россия мәгариф академиясе гомуми белем бирү оешмаларында шәхси мобиль элемтә җайланмаларын куллану тәртибе турында методик тәкъдимнәр әзерләде.

Тәкъдим ителгән документта, РФ субъектларының мәгариф идарәсе, мәгариф өлкәсендә җирле үзидарә органнарына һәм гомуми белем бирү оешмаларына, мәктәп укучыларының сәламәтлегенә зыян китерүне кисәтү һәм белем бирү процессының нәтиҗәлелеген арттыру максатыннан, белем бирү оешмаларында мобиль элемтә җайланмаларыннан файдалануны чикләү турындагы мәсьәләне карарга тәкъдим ителә.