Авыл мәктәпләре өчен норматив бетәчәк?

Киләсе елларда авыл мәктәпләре өчен билгеләнгән нормативлар юкка чыгарга мөмкин. Бу хакта газетабызга РФ Дәүләт Думасы депутаты Илдар Гыйльметдинов хәбәр итте. Узган уку елында газетабыз үткәргән “Авыл мәктәплеме?” акциясе кысаларында мәгариф бүлеге җитәкчеләре: “Авыл җирендә нормативны тормышка ашыру бик авыр”, – дип моң-зарларын белдер¬гән иде. Әлеге нормативлар буенча авылда бер сыйныфта 14 бала булырга тиеш. Республикада бу сан уртача – 9,4. Әлбәттә, бу күрсәткеч демографик вәзгыятькә бәйле. Әйтик, Әтнә районында ел саен 70-80 бала кимеп бара. Ә инде сыйныфта бала саны аз булгач, мәктәпне мәҗбүри рәвештә ябарга туры килә. Чөнки акча җан башына карап бирелә. “Бүген гамәлдә булган нормативлар авыл өчен яраклы түгел. Шәһәр мәктәпләре өчен булсын ул, ләкин авылга нормативлар кирәкми”, – дигән иде район мәгариф бүлеге башлыгы Айрат Каюмов ул чакта. Авыл мәктәпләре проблемасын хәл итү өчен Илдар Гыйльметдинов РФ Хөкүмә¬те¬нә, шулай ук Президент Владимир Путин исеменә хат язган булган икән. “Төбәкләрнең ни дәрәҗәдә эшләвен билгеләүче күрсәткечләр бар. Тө¬бәкләр үсеше министрлыгы сыйфатны шуңа карап бәяли. Шул пунктның берсе булып, мәга¬риф системасында нәти¬җәсез кулланылган акчалар тора. Бу очракта дәүләт дөрес фикерләми. Әлеге күрсәткеч¬ләргә карап, авыл мәктәплә¬ренең нә¬тиҗәлелеген бәяләргә ярамый. Без, үз чиратыбызда, акчаны авыл мәктәбенә алай бүлмәскә, ди¬гән тәкъдимне житкердек. Төбәкләр үсе¬ше министрлыгыннан килгән җавапта, төбәкләрнең нә¬ти¬җә¬лелеген билгеләүче күрсәткечләр 11 гә кадәр киме¬гән, диелә. Кыскартылган күрсәткечләр арасында мәга¬риф¬кә кагылганы да бар. Бу яңалык безне бик сөендерде. Димәк, хәзер төбәкләрнең мә¬га¬риф системасын финанслау бөтенләй башкача булачак. Алга таба авыл мәктәпләренең хәле яхшырыр дигән өмет бар”, – ди Илдар Ирекович. Дөрес, бу моңа кадәр оп¬ти¬мальләштерелгән мәктәпләргә акча кире кайтарып бирелә дигән сүз түгел. Әмма килә¬чәктә моңа юл куелмаячак.