КФУ ректоры 2019/2020 уку елына кабул итү кампаниясенә йомгак ясады

2019 елның 5 сентябре, пәнҗешәмбе

Сентябрь - вузда белем бирү процессының чираттагы этабы старт алу һәм кабул итүгә йомгак ясау вакыты. Быел студентлар өчен дәресләр бераз соңрак – 16 сентябрьдән – августның соңгы көннәрендә «WorldSkills-2019» стандартлары буенча һөнәри осталык буенча дөнья чемпионаты уздырылу һәм анда катнашучыларның КФУ кампусында яшәүләре белән бәйле рәвештә башланачак. Ә менә кабул итү турындагы боерыкларның төп өлеше басылып чыккан инде, һәм Казан федераль университеты куйган планнарның үтәлеше турында сөйләргә була.