Казан педагоглары «Инклюзив практика фестивале» лауреаты булдылар

2019 елның 15 октябре, сишәмбе

Мәскәүдә «Перспектива» ТИОИның өченче тапкыр уздырыла торган «Инклюзив практика фестивале» финалы булды. Быел конкурста Россиянең 16 төбәгеннән вәкилләр - төбәк этапларында җиңүчеләр катнашты. 

Эшләнгән тәҗрибәләргә карата куелган төп таләп: инвалидлыгы булган балаларны укыту өйдә түгел, ә инклюзив сыйныфларда үткәрелергә тиеш.

Фестиваль зур гамәли кыйммәткә ия-ул илнең төрле почмакларыннан килгән педагогларга тәҗрибә белән уртаклашырга мөмкинлек бирә. Һәр регион вәкиле үз презентациясендә инклюзив белем бирүнең ничек үсүен һәм хәзерге вакытта нинди нәтиҗәләргә ирешүләрен күрсәтте.