Чиләбе өлкәсендә татар мәгарифе көннәрен үткәрүгә йомгаклар турында
ТР Мәгариф һәм фән министрлыгы 2019 елның 9 октябреннән 10 октябренә кадәр Чиләбе өлкәсендә “Татар мәгарифе көннәре” үткәрде.
Әлеге чарада Татарстан Республикасы Премьер-министры урынбасары - мәгариф һәм фән министры Рафис Борһанов катнашты.
Делегация составына ТР Мәгариф үсеше институты, Бөтендөнья татар конгрессы башкарма комитеты вәкилләре, мәгариф идарәсе башлыклары, мәктәпкәчә учреждение мөдирләре, гомуми белем бирү оешмалары директорлары һәм укытучылары керде.
Визит барышында делегация мәгариф оешмалары, мәгариф идарәләре, Чиләбе өлкәсе татарлары автономиясе үзәге эшчәнлеге белән танышты.
9 октябрьдә Кунашак районында узган очрашуда гомуми белем бирү, мәктәпләрнең автономиясе һәм идарә итү өлкәсендә тәҗрибә, шулай ук учреждениеләрнең эшен координацияләү турында фикер алыштылар.
10 октябрьдә Чиләбе өлкәсендә “Татар мәгърифәте көннәре” чарасының пленар утырышы булды. Пленар утырыш эшендә Чиләбе өлкәсе Губернаторының беренче урынбасары Ирина Гехт, Чиләбе өлкәсе мәгариф һәм фән министры Александр Кузнецов, "Чиләбе өлкәсе татарлары конгрессы" Өлкә иҗтимагый оешмасы рәисе Лена Колесникова катнашты.