Балаларның ялын һәм аларны сәламәтләндерүне оештыру өлкәсендәге законнарны бозган өчен административ җаваплылык билгеләнде
Россия Федерациясе Президенты Владимир Путин «Административ хокук бозулар турында Россия Федерациясе Кодексына үзгәрешләр кертү хакында» Федераль законга кул куйды.
Федераль закон Дәүләт Думасы тарафыннан 2019 елның 26 сентябрендә кабул ителде һәм Федерация Советы тарафыннан 2019 елның 9 октябрендә хупланды.
Административ хокук бозулар турында Россия Федерациясе Кодексы 14.65 статья белән тулыландырыла, ул балаларның ялын һәм сәламәтләндерүен оештыру өлкәсендә Россия Федерациясе законнарын бозган өчен балалар ялын һәм сәламәтләндерүне тәэмин итү буенча хезмәтләр күрсәтүдә чагылган оешма яки шәхси эшмәкәр тарафыннан балаларның ялы һәм аларны савыктыру оешмалары реестрына кертелмәгән өчен 500 меңнән 1 миллион сумга кадәр штраф рәвешендә административ җаваплылык билгели.
Шул ук вакытта әлеге реестрдан төшереп калдырылган оешмалар һәм хосусый эшмәкәрләр, мондый оешмалар һәм хосусый эшмәкәрләр балаларның ялын һәм сәламәтләндерүен тәэмин итү буенча үз өстенә алган йөкләмәләрнең үтәлешен төгәлләгәндә һәм шул ук вакытта балаларның тормышына һәм сәламәтлегенә зыян китерү куркынычы булмаган очракта, әлеге Административ хокук бозу өчен административ җаваплылыкка тартылмаячак.
Кодексның 14.65 статьясында каралган административ хокук бозулар турындагы эшләр судьялар тарафыннан карала (Кодексның 23.1 статьясындагы 1 өлеше).
Федераль закон 2020 елның 1 июненнән үз көченә керә.