Казанда «Державин укулары 2019» рекордлы санда катнашучыларны кабул итәчәк
Быел Казан «Державин укулары» халыкара фәнни-гамәли конференциясендә катнашучыларның рекордлы санын кабул итәчәк.
Бөтен Россиядән һәм чит илләрдән меңнән артык студент катнашачак. Бу хакта РФ Юстиция министрлыгының Россия хокук академиясе ректоры Александрова Ольга "Татар-информ" мәгълүмат агентлыгында узган матбугат конференциясендә сөйләде.
«Катнашучылар саны елдан-ел арта. Быел бездә рекордлы сан, география киңәя. Быел бездә меңнән артык студент теркәлгән, алар безнең конференциядә катнашачак. 12 түгәрәк өстәл һәм ике дискуссион трибуна ачылды», - диде спикер.
Конференциянең төп темасы "Россиянең XXI гасыр хокукын һәм юридик белемен үстерү нигезе буларак социомәдәни һәм әхлакый традицияләре" булачак. Конференциядә Россия һәм чит ил галимнәре, шул исәптән Германия, Польша һәм Молдавия галимнәре катнашачак.
Чара барышында шулай ук дәүләт һәм хокук теориясе буенча олимпиада, Франциядән Гавриил Державинның туганы Надежда Михайловна Бестужева-Грегори катнашында пленар утырыш уздыру планлаштырыла.
Сүз уңаеннан, быел халыкара конференция үзенең 15 еллыгын билгеләп үтә. Татарстан башкаласында бу чара бишенче тапкыр үткәрелә.