18 ноябрьдә Казанда “Глаголица” VI бәйсез әдәби премиясенең финалы узачак
18 ноябрьдә Казанга «Глаголица» VI бәйсез әдәби премиясенең финалына бөтен Россиядән һәм якын чит илләрдән 60 яшь автор киләчәк. Биш көн дәвамында балаларны Казан буенча экскурсияләр, татар халкының мәдәнияте һәм гореф-гадәтләре белән танышу, театрларга бару, шулай ук танылган әдәбиятчылар белән иҗади очрашулар, мастер-класслар һәм жюри әгъзалары, язучылар, шагыйрьләр, тәрҗемәчеләр һәм эссеистлар белән очрашулар көтә. Җиңүчеләрне бүләкләү тантанасы 22 ноябрьдә “Әкият” курчак театрында узачак. Әдәби конкурсның 30 призерына планшетлар һәм китаплар, ә гран-прига ияләренә “Бәллүр ябалак” кубогы тапшырылачак. “Татар телендә проза” һәм “Татар телендә поэзия” номинацияләрендә иң яхшы эшләрнең авторлары Татарстан Дәүләт Киңәшчесе Минтимер Шәймиев исеменнән призлар белән бүләкләнәчәк.