Татарстан укучылары Кулланучылар хокукларын яклау буенча белемнәрен күрсәтәчәк
Гомуми белем бирү оешмалары укучылары арасында «Кулланучылар хокукларын яклау» темасына 7 нче республика олимпиадасы башланды. Анда 8-11 сыйныф укучылары катнаша, алар инде ике этапны уздылар – дистанцион рәвештә тест ясадылар һәм эссе яздылар. Йомгаклау этабы 2019 елның 28 октябреннән 8 ноябренә кадәр башланачак. Ул көндезге формада, ике турда узачак. 1 турга язма рәвештә тест, 2 тур – конкурсантлар белән сорау һәм билетлар буенча телдән җавап рәвешендә әңгәмә керә. Олимпиаданың максаты-кулланучылар хокукларын яклау өлкәсендә белемнәрне популярлаштыру, уку йортларында укучыларның товарлар, эшләр һәм хезмәтләр куллану базары мәсьәләләрен тирәнтен өйрәнүгә мотивациясен арттыру, норматив-хокукый актларны куллана белү. Оештыручылар фикеренчә, олимпиада бу өлкәдә укучыларның иҗади потенциалын ачуда ярдәм итәчәк, кулланучылар буларак үз хокукларын яклау белән кызыксынуны арттырачак һәм һәр катнашучыда актив гражданлык позициясе булдырачак.