1 ноябрьдә «Театраль Идел буе» фестивалендә иң яхшы спектакльләр өчен тавыш бирү башлана
Идел буе федераль округында яшәүчеләр (ИФО) «Театраль Идел буе» фестиваленең иң яхшы куелышлары өчен тавыш бирә алачак. Конкурста төрле шәһәрләрдән килгән 14 студент һәм 14 мәктәп эше тәкъдим ителде.
Конкурс 28 мартта катнашучыларны җирле дәрәҗәдә сайлап алган төбәк этабыннан башланды. 1 августтан башлап округ этабы уза, аның кысаларында теләгән һәркем 28 сайлап алынган спектакльнең видеоверсиясен фестиваль сайтында, шулай ук расписание нигезендә төбәк телевизион каналлары буенча карый ала. Куелышлар белән 31 октябрьгә кадәр танышырга мөмкин, аларның һәркайсының хронометражы 1 сәгать 40 мин тәшкил итә.
Киләсе этап - тавыш бирү - 1 ноябрьдә старт ала. Ошаган спектакльне 8(800)350-35-43 телефонының бушлай номеры буенча, катнашучының тәртип номеры белән СМС-хәбәр җибәреп, хупларга мөмкин. Студентлар спектакльләренә 1дән 14кә, мәктәп укучыларына 15-28 номерлар бирелде.
Тавыш бирү нәтиҗәләре буенча җиңүчеләр билгеләнәчәк. Бүләкләү тантанасы декабрьдә узачак. Җиңүчеләр коллективлары яңа спектакльне кую өчен истәлекле билгеләр һәм максатчан грантлар алачак: 1 урын өчен - 200 мең сум, 2 урын өчен - 140 мең сум, 3 урын өчен - 100 мең сум.
Моннан тыш, «Иң яхшы режиссерлык эше», «Иң яхшы актриса» һәм «Иң яхшы актер» номинацияләрендә җиңүчеләрне аерым билгелиләр. Аларны да кыйммәтле бүләкләр белән бүләкләячәкләр.