Әсәрне анализлый белү әдәбият буенча БДИны уңышлы тапшырырга ярдәм итәчәк
Әдәбият буенча БДИны уңышлы тапшыру өчен чыгарылыш сыйныф укучыларына әдәбият белеме төшенчәләрен һәм әдәби контекстны белү, әдәби әсәрләрне игътибар белән укый һәм анализлый белү кирәк булачак. Иншаны дөрес язу шулай ук мөһим уңыш фактор булып тора. Федераль педагогик үлчәү институты (ФИПИ) белгечләре рус әдәбияты буенча БДИда катнашучыларның типик хаталарын анализлап ясаган методик рекомендацияләр белән таныштыручы мәкаләләр сериясе дәвам итә.
Әдәбият буенча БДИ сайлау алына торган имтихан булып тора, аның нәтиҗәләре югары уку йортларына филология, лингвистика, музыка-театр сәнгате, журналистика, телевидение, рәсем сәнгате, дизайн, музыка белеме һ. б. белгечлекләр буенча керү өчен кирәк.
Гомумән алганда, 2019 елгы чыгарылыш сыйныф укучылары имтихан биремнәрен уңышлы үтәгәннәр.
База өлешендә иң катлаулысы 4 һәм 13 биремнәр булган. Беренчесе мөһим элементлар (образлар системасы, төп сюжет, «сөйләүче» детальләр һ.б.) дәрәҗәсендә сәнгать текстын белүне таләп итә, икенчеләре авторның лирик әсәрдә кулланыла торган сәнгати матурлык чараларын белүен тикшерә.