Казан дәүләт энергетика университеты яшьләрнең фәнни потенциалын һәм мөмкинлекләрен тормышка ашыру өчен мәйданчык булып тора

Ил икътисадының мөһим тармагына цифрлы технологияләрне кертү турында «Электр энергетикасында диспетчерлаштыру һәм идарә итү» XIV Бөтенроссия ачык яшьләр фәнни-гамәли конференциясендә фикер алыштылар.

Чара СИГРЭ Россия милли комитетының Яшьләр секциясе оештыру комитеты, «Ышанычлы смена» фонды белән берлектә, Татарстан Мәгариф һәм фән министрлыгы ярдәме белән үткәрелде. Конференциянең максаты – талантлы һәм креатив студентларны, магистрантларны, аспирантларны һәм яшь галимнәрне заманча энергетиканың гамәли бурычларын хәл итүгә җәлеп итү.
XIV Бөтенроссия ачык яшьләр фәнни-гамәли конференциясенең оештыру комитетына кергән 157 гаризаның 97 се секциядә чыгыш ясау өчен сайлап алынды. Докладларның тематикасы энергосистемаларның һәм энергетика җайланмаларының ышанычлылыгы белән бәйле.  Форумда катнашучылар һәм экспертлар арасында теоретиклар да, практикалар да бар - ул системалы оператор һәм Бердәм энергетика системасының Федераль челтәр компаниясе, Татарстан Челтәр компаниясе, академик институтлар вәкилләре, шулай ук Россиянең төрле шәһәрләреннән – Мәскәү, Самара, Төмән, Чебоксар, Новосибирск, Пятигорск, Магнитогорск, Уфа, Брянск, Ульяновск, Севастопольдән галимнәр һәм студентлар.