Патриарх Кирилл Менделеевск шәһәре укытучысының рус теленә өйрәтүгә керткән өлешен билгеләп үтте

Менделеевск гимназиясенең рус теле һәм әдәбияты укытучысы Лилия Ноговицина  Рус сүзле җәмгыятенең II съезды  пленар утырышында катнашты.

Чара М.В. Ломоносов исемендәге Мәскәү университеты китапханәсендә узды. Пленар утырышны Рус сүзе җәмгыяте рәисе, Мәскәү һәм Бөтен Русь Патриархы Кирилл һәм МДУ ректоры урынбасары Виктор Садовничий җитәкләде.
Көн тәртибенә рус теле һәм әдәбияты укытучысының хәзерге гуманитар киңлектә әһәмиятенә кагылышлы мәсьәләләр куелган иде. Моннан тыш, катнашучылар сүзлекне укытуның заманча алымнары һәм технологияләре, мәктәпкәчә, мәктәп һәм югары уку йортларында психологик-педагогик проблемалар, шулай ук китапханәләрнең, музейларның белем бирү һәм шәхес тәрбияләүдәге роле турында фикер алыштылар.

Утырышның  кульминациясе – милләтне тәрбияләүгә һәм мәдәни мирасны саклауга зур өлеш керткән лауреатларны-рус теле һәм әдәбияты укытучыларын бүләкләү булды.

Менделеевск гимназиясе укытучысы Лилия Ноговицина  «Белем бирү процессында яңа технологияләр кулланган өчен» номинациясендә лауреат дип табылды.