Мәгариф һәм фән министрлыгы мәктәп стандартларының эшләп бетерелгән проектын тәкъдим итте
Мәгариф министрлыгы Федераль дәүләт белем бирү стандартларының (ФГОС) эшләп бетерелгән проектларын бастырып чыгарды.
"Тәрбия компоненты көчәйтелгән. "Информатика" фәне кысаларында укучылар социаль челтәрләрдә аралашканда шәхси куркынычсызлыкны тәэмин итәргә, текстларны эшкәртүнең заманча системаларының интеллектуаль мөмкинлекләрен кулланырга өйрәнәчәкләр", - дип сөйләделәр мәгариф министрлыгында.
Стандартларда тагын нәрсә язылган? Мәсәлән, әдәбият дәресләрендә укучылар укылган әйберләр турында дискуссияләр алып барырга, үз позицияңне дәлилләргә, әдәби темага әдәби чыганакларны җәлеп итеп, хәбәрләрне формалаштырырга өйрәнәчәкләр. Ә менә "Технология" предметы робототехника: робототехник системаларны конструкцияләү һәм модельләштерү, модельләр программалаштыру турында аерым уку модуле белән тулыландырылган.