Мәскәү укытучылары Татарстан укучыларын тарих буенча олимпиадага әзерләде

2019 елның 10 декабре, сишәмбе

5-9 декабрь көннәрендә Республика олимпиада үзәгенең “Дуслык” комплексында 9-11 нче сыйныф укучылары өчен “Олимп” республика профиль сменасы кысаларында тарих буенча укыту-тренировка җыеннары узды.
Җыеннарда мәктәп укучылары Бөтенроссия олимпиадасының төбәк этабы җиңүчеләре һәм призерлары, 2018-2019 уку елында тарих буенча Бөтенроссия олимпиадасының йомгаклау этабында катнашучылар, шулай ук Казан, Яр Чаллы шәһәрләреннән һәм Актаныш, Әлмәт, Зәй һәм Татарстанның башка районнарыннан 2019-2020 уку елында уздырылган Бөтенроссия олимпиадасы призерлары һәм җиңүчеләре катнашты.