КНИТУ-КАИда В.А. Окулов исемендәге олимпиаданың чираттагы этабы узды

2020 елның 14 феврале, җомга

Физика һәм математика белән кызыксынучы өлкән сыйныф укучыларының КНИТУ-КАИ базасында үз белемнәрен тикшерү генә түгел, бирегә укырга кергәндә өстәмә баллар эшләү мөмкинлеге дә барлыкка килде. Мәсәлән, 2020 елның 9 февралендә В.А. Окулов исемендәге олимпиада узды. Әлеге интеллектуаль ярыш укучыларда зур кызыксыну уятты. Катнашучылар саны якынча 150гә җитте. Казан, Чаллы, Түбән Кама, Нократ Аланы, Буа, Волжск, Чабаксар, Йошкар-Ола, Глазова, Курган, Ижевск, Салават, Ухта һәм Татарстан Республикасының төрле районнарыннан укучылар үзләрен сынап карарга килде.