Әгерҗедән Гөлфия Шәймәрданова — Россиянең иң яхшы физкультура укытучылары арасында

2026 елның 28 апреле, сишәмбе

Россия футбол союзы укытучылар өчен уздырылган «Футбол магниты» конкурсына йомгак ясады. Татарстан Республикасыннан әлеге конкурста 2025/26 уку елында «Футбол мәктәптә» проектын тормышка ашыручы 23 гомуми белем бирү оешмасы укытучысы катнашты.

Безнең төбәктән конкурс җиңүчесе исеменә Әгерҗе шәһәренең 2нче урта гомуми белем бирү мәктәбе физкультура укытучысы Гөлфия Шәймәрданова лаек булды. Ул Россия Федерациясе субъектларының иң яхшы 50 педагогы исемлегенә керде, акчалата бүләк алды һәм май аенда Мәскәүдә узган тантаналы бүләкләү чарасына чакырылды. Тантанада танылган футболчылар һәм тренерлар катнашты.