"Зур тәнәфес" конкурсы кысаларында "Әйләнә-тирә дөньяны үзгәрт!" атналыгы башланды
11 майда мәктәп укучылары өчен "Зур тәнәфес" Бөтенроссия конкурсының яңа тематик атнасы старт алды, ул Россия Федерациясе Мәгариф министрлыгы ярдәмендә уздырыла. "Әйләнә-тирә дөньяны үзгәрт!" атнасы "ВКонтакте" социаль челтәрендә "Зур тәнәфес" бергәлегендә уза һәм шәһәр мохитен үзгәртә торган технологик инновацияләргә багышланган.
Атна дәвамында дөнья дәрәҗәсендәге белгечләр төрле өлкәләрдән мәктәп укучыларына һәм аларның әти-әниләренә заманча шәһәрләрнең архитектурасы һәм дизайны, азык-төлек куркынычсызлыгы, транспорт элемтәсе, энергетика мәсьәләләрендә яңа алымнар турында сөйләячәк. Балалар НТИның Түгәрәк хәрәкәтендә катнашучыларның тәҗрибәләрен, проектларны ничек уңышлы эшләү һәм үстерү, шулай ук хәзер үк, үзизоляция шартларында, читтән торып яңа белемнәр алу, киләчәкнең перспектив һөнәрләре белән танышу турында белә алачак.