Саба мәгариф хезмәткәрләре 2012-2013 уку елының I яртыеллыгы нәтиҗәләрен анализлады

2013 елның 17 гыйнвары, пәнҗешәмбе
Саба муниципаль районында мәгариф хезмәткәрләре катнашында 2012-2013 уку елының I яртыеллыгы нәтиҗәләрен анализланды. Биредә барлыгы 300дән артык укытучы катнашты.
Саба муниципаль районы башкарма комитеты җитәкчесе урынбасары Таһир Шәрәфиев киңәшмәне ачканда, кереш сүзендә мәгарифтә хәл итәсе мәсьәләләрнең күплеген ассызыклап, сөйләшүне эшлек¬ле уздыру кирәклегенә басым ясады. Проблемаларның җитдилеге район мәгариф бүлеге башлыгы Илфат Шакиров докладында да ачык чагылыш тапты.
Республикада белем бирү сыйфатының күрсәткечләреннән чыгып ясалган рейтингта Бердәм дәүләт имтиханнарының, Бөтенроссия олимпиадаларының төбәк этабы нәтиҗәләре буенча артталык белем бирүнең сыйфатын күтәрү юнәлешендә әле күп эшлисе барлыгын күрсәтә. Югыйсә, укыту өчен, барлык шартлар да тудырылган дияргә була.
Районның һәр мәктәбе заманча җиһазга ия: 180 интерактив такта бар һәм укытучыларга ярдәмгә 115 мультимедиа хезмәт итә. Урта һәм төп мәктәпләрдә югары тизлекне тәэмин итүче элемтә линияләре буенча Интернетка керү мөмкинлегеннән, Wi-Fi нокталарыннан файдаланалар.
“Безнең районда барлык мәктәпләрдә югары тизлекле Интернетка керү мөмкинлеге тудырылган булса, күрше Теләче районында әлеге уңайлылыктан бары тик район үзәгендәге урта мәктәп кенә файдалана ала”, – диде И.Шакиров.
Агымдагы уку елында укучыларның белемне ничек үзләштерүләрен 14 ноябрь-17 декабрьдә үткәрелгән респуб¬лика олимпиадаларының муниципаль туры күрсәтә. 27 фәннән үткәрелүче әлеге олимпиадаларда барлыгы 1507 бала катнашкан. Нәтиҗәләре исә, төрлечә. Мәктәпнең иң яхшы сәләтле укучысы дип, олимпиадага тәкъдим ителгән балалар арасында бары 1 һәм 2 балл җыючылар да булган.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International