"Зур тәнәфес" бөтенроссия онлайн-фестивале илнең төрле төбәкләрендәге балаларны берләштерәчәк
1 июньдә, Халыкара балаларны яклау көнендә, РФ Мәгариф министрлыгы ярдәмендә узучы “Зур тәнәфес” конкурсының мәктәп укучылары өчен оештырылган мәйданчыгында онлайн-фестиваль узачак. Анда музыкантлар, спортчылар, галимнәр, дизайнерлар, блогерлар, балалар һәм яшүсмерләр хәрәкәтләре һәм федераль балалар үзәкләре вәкилләре җыелачак.
Фестивальне РФ Президенты Администрациясе җитәкчесенең беренче урынбасары Сергей Кириенко ачачак, ә мәгариф министры Сергей Кравцов live режимында мәктәп укучылары һәм абитуриентлар белән аралашачак. Онлайн-фестивальне үткәрү мәйданы - "ВКонтакте" социаль челтәре.
"Таврида" арт-кластеры командасы Россия артистлары катнашында ятим балалар һәм ата-ана каравыннан мәхрүм калган балалар өчен берничә иҗади юнәлеш буенча 500дән артык офлайн-мастер-класс уздырачак. Фестиваль "Төнге контакт" шоу-төркеме катнашында узачак Россия эстрада йолдызларының онлайн бәйрәм концерты белән тәмамланачак.