2020 елда көллиятләр абитуриентларны ничек кабул итәчәк
Быел көллияткә һәм техникумнарга документлар кабул итү ничек узачак? Мәгариф министрлыгының бу хактагы боерыгы Юстиция министрлыгында имзаланган һәм теркәлгән инде.
- Укуның көндезге формасына документлар кабул итү 25 августта төгәлләнә;
- Билгеле бер иҗади сәләт, физик һәм/яки психологик сыйфатлар таләп итүче белгечлекләр буенча программаларда укытуның көндезге формасына документлар кабул итү 15 августта тәмамлана;
- Буш урыннар булган очракта укытуның көндезге формасына кабул итү 25 ноябрьгә кадәр озынайтыла;
- Белем бирүнең махсус-читтән торып уку формасына документлар кабул итү срокларын һәр оешма мөстәкыйль билгели.
Гаризаны чыгарылыш сыйныф укучысы берничә ысул белән тапшыра ала: почта аша, электрон почта яки көллиятнең үз мәгълүмат системасы аша, аның сайты (әгәр анда шундый функционал булса). Тагын бер вариант - төбәкләрдәге дәүләт һәм муниципаль хезмәтләр порталы аша.