Казан энергоуниверситетында абитуриентлардан документларны 20 июньнән кабул итә башлыйлар

Казан энергоуниверситетының кабул итү комиссиясе абитуриентлардан  документларны 20 июньнән кабул итә башлый. Югары уку йортының кабул итү комиссиясе call-үзәгенең күп каналлы телефоны инде эшли башлады: 8 800 600 22 03. Линия бушлай һәм иртәнге 9 дан кичке 5кә кадәр эшли.

Шулай ук кабул итү кампаниясе-2020 турында тулырак мәгълүмат белән postupi.kgeu.ru абитуриентлар өчен махсус булдырылган сайтта танышырга мөмкин.

КДЭУның кабул итү комиссиясе 20 июньнән гаризалар, аттестатлар, фотографияләр һәм башка документлар белән эшләячәк. Абитуриент БДИны тапшырганнан соң, аның баллары базага кертеләчәк, кабул итү комиссиясе рейтинг һәм исәпләү үткәрәчәк.

Июньдә Казан энергоуниверситетына документларны урта һөнәри белем бирү учреждениеләрен, бакалавриатны тәмамлаучылар һәм 2019 елда һәм элегрәк БДИ тапшыручылар бирә ала.