Мамадыш студентлары Skills-паспортлар алачак

2020 елның 4 июне, пәнҗешәмбе

Мамадыш Политехник колледжында WorldSkills стандартлары буенча имтиханнар башланды. 18 студент пешекче эшен белүен раслаячак. Аттестация нәтиҗәләре буенча алар Skills-паспорт алачак. Әлеге документ студентның белем дәрәҗәсе дөнья стандартларына җавап бирүен күрсәтә.

Көллият директоры урынбасары Динар Хәкимов уку йортына Казаннан белгечләр килүе турында сөйләде. "Россиядә Skills-паспорт популярлык кына җыя, ә чит илдә ул бик бәяләнә", - дип аңлатты ул.

"Җәмәгать туклануы технологиясе һәм продукциясе" белгечлеге буенча белем алучы студентлар имтиханнарны яңа лабораториядә тапшыра. Ул махсус WorldSkills стандартлары буенча имтиханнар бирү өчен төзекләндерелгән иске гаражда ачылган.