Лаеш укучылары мәктәп яны бакчасында мул уңыш үстерә

Лаеш районының Никольское авылында укытучылар һәм укучылар мәктәп яны участогын чиста тоталар һәм кышка запас әзерлиләр.

Никольск урта мәктәбе директоры Вероника Толокнова җитәкчелегендәге коллектив җәй дәвамында мәктәп яны территориясен карый, ә көз көне мул уңыш җыя. Үлән чаптыру, коры куаклар җыю, бордюрлар буяу, чәчәкләрне утау һәм башка бик күп эшләр башкарыла.

Ә бакча янындагы кишәрлектә укучылар кишер, чөгендер, суган чәчкәннәр, бәрәңге, кәбестә утыртканнар. «Барлык җыелган уңыш мәктәп ашханәсендә укучыларны өстәмә тукландыру өчен кулланылачак, ә артыгын Казанда Агропарк территориясендә саталар», - дип аңлатты мәгариф учреждениесе җитәкчесе.