2020 елда халыкара олимпиадаларда катнашу өчен Россия җыелма командаларын формалаштыру тәртибе

Укучыларны халыкара олимпиадаларда катнашу өчен Россия командасына сайлап алуда Бөтенроссия олимпиадасының йомгаклау этабы мөһим урынны алып тора. Агымдагы елда аны гамәлдән чыгару сәбәпле, бөтендөнья ярышларында катнашу өчен җыелма команданы формалаштыру тәртибен яңадан карарга туры килде. 2020 елда үткәреләчәк  халыкара олимпиадаларга сайлап алу кагыйдәләрен раслый торган боерык проекты басылып чыкты.

Уку-тренировка җыеннарына кемнәр чакырылачак? Соңгы ике елда уку-тренировка җыеннарында катнашучылар; йомгаклау этабында катнашу өчен баллар җыйган 2019/20 Бөтенроссия олимпиадасының төбәк этабында катнашучылар; 2019/20 йомгаклау этабында катнашу хокукына ия 2018/19 Бөтенроссия олимпиадасының йомгаклау этабында җиңүчеләр һәм призерлар; Халыкара табигый-фәнни олимпиадада катнашу өчен (санап үтелгән пунктлардан тыш) - 2019/20 Бөтенроссия олимпиадасының төбәк этабында катнашып РФ барлык субъектлары арасында иң күп балл җыючылар.

Бөтенроссия олимпиадасының төбәк этабында катнашучыларга тренерлар штабы өстәмә биремнәр бирергә мөмкин. Җыелма команда җыенына эләгү өчен биремнәрнең ким дигәндә 50%ын дөрес башкарырга кирәк булачак.