Балалар өчен онлайн-түгәрәкләр буенча навигатор булдырылды

2020 елның 17 июне, чәршәмбе

Мәктәпләрдә уку елы тәмамланды, әмма балалар өчен түгәрәкләр һәм секцияләр эшен дәвам итә. Күпләр уңышлы рәвештә онлайнга күчте. Мәгариф министрлыгы һәм Стратегик инициативалар агентлыгы әлеге түгәрәкләр буенча платформа-навигатор төзегән.

Платформада иң яхшы онлайн-курслар һәм әйдәп баручы вуз лабораторияләреннән, белем бирү платформаларыннан, онлайн-мәктәпләрдән һәм технологик компанияләрдән дәресләр җыелган. Бөтен контент җентекләп сайлап алынган һәм экспертлар тарафыннан тикшерелгән. Биредә беренче сыйныф укучысы да, чыгарылыш укучысы да күңелеңә хуш килгәнен сайлап ала алачак. Платформа-навигаторда төрле юнәлештәге, катлаулылыктагы, яшь категориясендәге түгәрәкләр урнаштырылган.