"Җиңү диктанты" халыкара акциясе 3 сентябрьдә узачак

2020 елның 23 июне, сишәмбе

"Җиңү диктанты" халыкара акциясе 3 сентябрьдә узачак, дип хәбәр итә ТАСС Россия тарихи җәмгыяте рәисе, "Ватан тарихы" фонды советы рәисе, Россия Федерациясенең тышкы разведка хезмәте директоры Сергей Нарышкинга сылтама белән. Халыкара акция быел онлайн-форматта да оештырылачак.  "3 сентябрьдә  "Җиңү диктанты" икенче тапкыр узачак, һәм минем уйлавымча, катнашучылар саны быел күбрәк булачак. Оештыручылар тарафыннан диктант үткәрүнең төрле форматлары каралган, шул исәптән онлайн да", - диде Нарышкин.

"Җиңү диктанты" бөтенроссия тарихи акциясе 2019 елдан бирле уздырыла. Акциянең максаты - Бөек Ватан сугышы тарихын өйрәнүгә киң җәмәгатьчелекне җәлеп итү, яшьләрдә тарихи грамоталыкны күтәрү һәм патриотик тәрбия бирү. Быел ул икенче тапкыр узачак.