БДИ нәтиҗәләре имтихан биргәннән соң 10 көн эчендә билгеле булачак

2020 елның 27 июне, шимбә

БДИ нәтиҗәләре имтихан тапшырганнан соң ун көн дәвамында билгеле булачак, дип хәбәр итте Мәгариф һәм фән өлкәсендә күзәтчелек буенча федераль хезмәт башлыгы вазыйфаларын вакытлыча башкаручы Анзор Музаев. Ул билгеләп үткәнчә, нәтиҗәләрне эшкәртү тизлеге һәм апелляция бирү регламенты үзгәрмәгән.

Россиядә БДИ бер үк вакытта мәктәптә чыгарылыш имтиханы һәм югары уку йортына керү имтиханы булып хезмәт итә. Россиядә мәктәпне тәмамлау турында аттестат алу өчен рус теле һәм математикадан БДИ тапшырырга кирәк. 2022 елда чыгарылыш сыйныф укучылары өчен мәҗбүри предметлар санына шулай ук чит телне кертү планлаштырыла.