Анзор Музаев 2020 елда БДИ уздыру үзенчәлекләре турында сөйләде

2020 елның 26 июне, җомга

Рособрнадзор җитәкчесе вазыйфаларын вакытлыча башкаручы Анзор Музаев 2020 елда БДИның төп чоры алдыннан үткәрелгән матбугат конференциясендә агымдагы елда имтиханнарның ничек уздырылачагы турында сөйләде. Яңа расписание нигезендә 2020 елда БДИның төп чоры 29 июньнән 25 июльгә кадәр узачак. Төп чорда имтиханнарны 714 мең кеше тапшырырга ниятли, шуларның 620 меңнән артыгы - быелгы чыгарылыш сыйныф укучылары.

2020 елда 11 сыйныфны тәмамлаучыларга аттестат алу өчен БДИ тапшырырга кирәкми иде. 1 февральгә кадәр теркәлгән 2020 елда БДИ катнашучылары санын һәм июльдә имтиханнарда катнашырга планлаштыручылар санын анализлау агымдагы елда БДИ тапшыручылар саны  якынча 72 мең кешегә кыскаруын күрсәтте.