Мәгариф һәм фән өлкәсендә күзәтчелек итү буенча федераль хезмәт хокук саклау органнарына социаль челтәрләрдә БДИ КИМын сатып алырга тәкъдим итүче мошенниклар турында мәгълүмат тапшырды

Мәгариф һәм фән өлкәсендә күзәтчелек буенча федераль хезмәт Эчке эшләр министрлыгына 2020 елгы БДИның контроль үлчәү материалларын (КИМ) сатып алырга тәкъдим итүче социаль челтәрләрдәге сайтлар һәм төркемнәр турында мәгълүмат белән хат юллады.

"РФдә мәгариф турында" гы закон нигезендә, КИМның эчтәлеге яшерен мәгълүмат булып санала, аны тарату үз артыннан административ җаваплылыкка китерә. Шул ук вакытта Рособрнадзор белгечләре уздырган Интернет-ресурслар мониторингы күрсәткәнчә, бастырып чыгарылучы һәм сатуга тәкъдим ителә торган материалларның чын БДИ КИМнарына катнашы юк. Бу яки Рособрнадзор тарафыннан ачык кулланылышта бастырылган КИМ вариантлары яки ирекле төзелгән вариантлар, шул исәптән БДИ ачык банкыннан биремнәр кулланып язылган биремнәр. Шулай итеп, аларны БДИның төп чоры КИМнары буларак сату мошенник гамәлләргә кертелергә мөмкин.