БДИ узачак барлык пунктлар да имтиханнар башланыр алдыннан дезинфекция узды
Имтиханнар узачак барлык пунктларда да (ППЭ) БДИ алдыннан дезинфекцияләү чараларын кулланып җыештыру үткәрелде. 2020 елда имтиханнар үткәрү өчен 5 728 ППЭ эшләячәк, алар барысы да 29 һәм 30 июньдә сынау имтиханнарында катнаштылар.
"БДИны оештыручылар һәм барлык катнашучыларның сәламәтлеге һәм иминлеге безнең өчен өстенлекле. Имтиханнар катгый рәвештә Роспотребнадзор киңәшләре һәм барлык кирәкле эпидемиологик куркынычсызлык чараларын үтәп үткәреләчәк. Без бу чараларның үтәлүен сынап карау имтиханнары барышында күзәттек. БДИ башланыр алдыннан без тагын бер тапкыр барлык төбәкләрнең әзерлеген һәм имтихан пунктларында кирәкле индивидуаль саклану чаралары һәм антисептикларның булуын тикшердек. Барлык пунктларны да дезинфекция белән эшкәртү үткәрелде ", - дип белдерде Рособрнадзор җитәкчесе вазыйфаларын вакытлыча башкаручы Анзор Музаев.