Мамадышта "Үсеш ноктасы" программасында катнашучылар саны артты
Мамадышта «Үсеш ноктасы» программасында катнашучылар саны артты, ул «Мәгариф» милли проектының өстенлекле юнәлешләренең берсе булып тора.
Федераль акчалар хисабына районда узган ел ике мәктәптә яңа җиһазландырылган кабинетлар барлыкка килде. 2020 елда проектка шәһәрнең 3 нче мәктәбе дә кушылды. Хәзер биредә технология, информатика һәм тормыш иминлеге нигезләре кабинетларын тулысынча модернизацияләү бара. Эшләр программа таләпләренә туры китереп башкарыла, дүрт төс кулланыла – ак, соры, кара, кызыл, эмблема шулай ук стандартларга туры килә.
Яңа кабинетлардан тыш, мәктәптә шахмат өчен бүлмә дә барлыкка киләчәк. Шахмат уеннары һәрвакыт җирле укучылар арасында популярлык казанды.
Учреждение өчен шулай ук заманча гаджетлар һәм куәтле компьютерлар сатып алыначак. «Бу уку программасын тулыландырырга һәм факультативлар үткәрергә мөмкинлек бирәчәк", - ди 3 нче мәктәп директоры Фәнис Мөхәммәтҗанов.
Укучылар яңа белем һәм күнекмәләр генә түгел, ә төрле конкурсларга әзерләнү мөмкинлеге дә алачак – мәктәптә квадрокоптерлар, 3D-принтерлар, манекеннар барлыкка киләчәк.
«Минемчә, балалар өчен бу бик мөһим. Алар зур кызыксыну белән шөгыльләнәчәк», – дип билгеләде учреждение җитәкчесе.
Барлык дәресләр дә бушлай узачак.