"Зур тәнәфес" конкурсының яңа тематик атнасы медицинага багышлана
3 августта "ВКонтакте" социаль челтәрендә "Зур тәнәфес" Бөтенроссия мәктәп укучылары конкурсында "Сәламәтлек лабораториясе" дигән яңа тематик атналык старт алды. Конкурс Россия Мәгариф министрлыгы ярдәмендә үткәрелә.
Тематик атна кысаларында мәктәп укучылары медицина һөнәрләре белән танышачак, Россия һәм дөнья медицинасы үсешенә зур өлеш керткән танылган белгечләр турында беләчәк һәм тикшеренүләрнең молекуляр биология һәм генетика кебек перспектив юнәлешләре турында мәгълүмат алачак. Моннан тыш, укучыларда турыдан-туры эфирда коронавирус инфекциясе белән көрәшүне дәвам итүче табибларга сораулар бирү мөмкинлеге булачак.
Атна "Волонтёр-медики" Бөтенроссия иҗтимагый хәрәкәте, "Росатом" дәүләт корпорациясе һәм Милли технологик инициативаның Түгәрәк хәрәкәте ярдәмендә оештырыла.