«Абилимпикс» төбәк чемпионатларына чыгу өчен сайлап алуда 12 меңнән артык кеше катнаша

Россиянең 82 төбәге көз көне инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этапларын үткәрүгә әзерлеген раслады. Чемпионатта катнашу өчен сайлап алуда 12 меңнән артык кеше ярыша.

"Абилимпикс" чемпионатларын төбәкләрдә  2020 елның сентябреннән ноябренә кадәр уздыру планлаштырылган. Алар 120дән артык компетенциядә киләсе юнәлешләр буенча узачак: IT-технологияләр, икътисад һәм финанслар, сәнәгать һөнәрләре, иҗади һөнәрләр, туклану, декоратив-гамәли сәнгать, хезмәт күрсәтү/сервис, медицина, мәгариф. Төбәк этапларын уздыру өчен быел 2000 мәйданчык әзерләнәчәк. 14 яшьтән 65 яшькә кадәрге мәктәп укучылары, студентлар һәм белгечләр осталыкларын күрсәтәчәк.