Казанлыларга мәктәп ашханәләрендә вакансияләр тәкъдим итәчәкләр

2020 елның 21 августы, җомга

28-нче августта Казан паркларында һәм скверларында вакансияләр ярминкәләре узачак. Шәһәр халкы мәктәп ашханәләрендәге вакансияләр турында беләчәк.

Чарада казанлылар Казанның Азык-төлек һәм социаль туклану департаменты кадрлар хезмәте вәкилләре һәм уку йортлары вәкилләре белән очрашачак, ә вакансиягә җавап биргән эш эзләүчеләр кыйммәтле призларны уйнатуда катнаша алачак.

Вакансияләр ярминкәләре 11.00-дән 13.00-гә кадәр Академик Парин урамындагы скверда, Габдулла Тукай исемендәге Татар дәүләт филармониясе скверында, шулай ук «Крылья Советов» паркында узачак, дип хәбәр итә Казанның Халыкны эш белән тәэмин итү үзәге.