"2012 ел милли мәгариф үсешендә мөһим карарлар кабул итү елы булды", - ТР Мәгариф һәм фән министры

Яр Чаллы шәһәрендә “Татарстан Республикасы Мәгариф һәм фән министрлыгының 2012 елдагы эшчәнлек нәтиҗәләре һәм 2013 елга бурычлар турында” коллегия утырышы узды. Утырышта ТР Мәгариф һәм фән министры Энгель Фәттахов 2012 елның милли мәгариф үсешендә мөһим карарлар кабул итү, принципиаль үзгәрешләрне яклау елы булуын билгеләп үтте. Яңа гына эшли башлаган “Ана теле” халыкара проектын искә алып, татар телен өйрәнүдә интерактив технологияләрнең киң кулланышын белдерде.
Ул бу уку елы дәвамында татар телен өйрәнү буенча программаларга ревизия ясалачагын, дәреслекләргә үзгәрешләр кертү зарурлыгын билгеләп үтте. Татар телен өйрәнүдә бик югары таләпләр куелырга тиеш түгеллеген белдерде.
Телләр өйрәнгәндә милләтләр буенча аерып каралырга тиеш түгеллеген, кемдер булса татар теле яки рус телләрен күбрәк өйрәнергә кирәк дип саный икән, аларга белем бирү системасының мөмкинлекләреннән чыгып, юл биреләчәген билгеләп үтте.
Фото http://prav.tatarstan.ru сайтыннан