Тугызынчы сыйныф укучылары өчен рус теле буенча өстәмә йомгаклау әңгәмәсе 20 апрельдә узачак

2026 елның 17 апреле, җомга

20 апрельдә 9 нчы сыйныф укучылары өчен рус теле буенча өстәмә йомгаклау әңгәмәсе узачак.

Ул түбәндәгеләр өчен каралган:

• төп көндә җитди сәбәпләр аркасында катнаша алмаган укучылар;

• «сынау үтмәде» (незачет) нәтиҗәсен алган укучылар.

Йомгаклау әңгәмәсендә Татарстан Республикасының 72 мәктәбеннән 105 тугызынчы сыйныф укучысы катнашачак.

Йомгаклау әңгәмәсе иртәнге сәгать 9:00да башлана.

Нәтиҗәләре белән танышу: 25 апрельдән дә соңга калмыйча.

Рус теле буенча йомгаклау әңгәмәсен уңышлы үтү — дәүләт йомгаклау аттестациясенә кертелү өчен мәҗбүри шарт.