Казанда һөнәри белем бирү системасының актуаль мәсьәләләре турында фикер алыштылар

2020 елның 21 августы, җомга

Бүген, 21 августта, Татарстан Республикасының Алгарышлы һөнәри әзерлек үзәге базасында, “Һөнәри белем бирү системасы: яңазаман шартларында трансформация” темасына мәгариф һәм фән хезмәткәрләренең республика август киңәшмәсе секциясе узды. Чара панель дискуссия форматында узды, секция эшендә спикерлар һәм чакырылган кунаклар катнашты.

Секция эшендә шулай ук республика һөнәри белем бирү учреждениеләре җитәкчеләре, аларның тәрбияви һәм фәнни-методик эш буенча урынбасарлар да катнашты. Шунысын да билгеләп үтәргә кирәк, әлеге чара ел саен үткәрелә һәм һөнәри белем бирү системасын үстерү һәм киләсе уку елына бурычларны билгеләү мәсьәләләре буенча фикер алышуга багышлана.