Сергей Кравцов: «Барлык мәгариф оешмалары да яңа уку елы башлануга әзер»
Русия мәктәпләрендә дәресләр 1 сентябрьдән көндезге форматта, барлык санитар куркынычсызлык чараларын үтәп башланачак. Бу хакта РФ мәгариф министры Сергей Кравцов РФ Президенты Владимир Путинның Хөкүмәт әгъзалары белән узган киңәшмәдә хәбәр итте.
Нәкъ менә бу көнне тулы канлы эш башларга әзерләнәбез — нормаль, көндезге режимда. Әлбәттә, барысы да Роспотребнадзор таләпләрен үтәп эшләнәчәк.
Быел 1,9 млн. га якын бала беренче сыйныфка барачак, барлык мәктәп укучыларының саны -17 млн.
«Быел беренче тапкыр мәктәп бусагасын 1 млн 900 мең беренче сыйныф укучысы атлап керәчәк. Яңа уку елы барлыгы 17 млн мәктәп укучысы өчен җитә. 7 миллион мәктәпкәчә яшьтәге бала, ә урта һөнәри белем алучыларны исәпкә алып, бу 27 миллион бала, алар 80 мең мәгариф оешмасын кабул итәчәк", - диде Кравцов.
Русиянең 36 меңнән артык мәгариф учреждениесе яңа уку елына әзер.
Әлеге вакытта 36 485 белем бирү оешмасы барлык процедураларны узган һәм уку елына тулысынча әзер.
Русиядә 2025 елга меңнән артык яңа мәктәп ачу планлаштырыла.
«Тулаем алганда, 2025 елга кадәр миллион ярым урынга 1 750 мәктәп төзү планлаштырыла. Өстәвенә, 500 мәктәпнең Внешэкономбанк катнашында дәүләт-шәхси партнерлык механизмын кулланып төзелүенә аерым игътибар итәм", - дип билгеләп үтте Кравцов.