Татарстанда «Класс сәгате» мәгариф проекты эшли башлый

2020 елның 10 сентябре, пәнҗешәмбе

Татарстан Республикасы Мәгариф һәм фән министрлыгы Яшьләр эшләре министрлыгы, Мәгарифне үстерү институты белән берлектә, Террорчылыкка каршы комиссия катнашында «Класс сәгате» мәгариф проектын гамәлгә ашыра башлый.

Онлайн-проект кысаларында барлык класс җитәкчеләренә атна саен бер сәгать мәгълүмати-методик ярдәм күрсәтеләчәк. Моның өчен алдагы 3 елга психологик компетенцияләрне үстерү буенча атналык дәресләр планы эшләнде.

"Авыр" яшүсмерләр белән ничек уртак тел табарга, ата-аналарны иҗади эшкә җәлеп итәргә, катлаулы һәм киеренке эштә ничек уңай нәтиҗәләргә ирешергә икәнлеге турында республиканың иң яхшы белгечләре, шулай ук РФ башка субъектлары экспертлары сөйләячәк.