Алты миллионга якын укучы бөтенроссия тикшерү эшләрен язачак

2020 елның 15 сентябре, сишәмбе

14 сентябрьдә ил мәктәпләрендә бөтенроссия тикшерү эшләре башланды. 12 октябрьгә кадәр Россиянең барлык төбәкләреннән укучылар ВПР язачак.

Төп  предметлар буенча белемнәрен 5 нче сыйныфтан 9 нчы сыйныфка кадәр 6 млн укучы тикшерәчәк.

Быел ВПР узган ел программасы буенча "керү" мониторингы сыйфатында уза,мәктәпләр күрсәтелгән вакыт  кысаларында уздыру көнен мөстәкыйль билгелиләр. Эш икенче-дүртенче дәрестә үткәрелә. ВПР өчен билге куелмый.