Лаеш балалар йорты командасы Татарстанны "Ума палата" уенының округ этабында тәкъдим итәчәк

2020 елның 19 сентябре, шимбә

16 сентябрьдә Казан шәһәренең Идел буе районы балалар йортында "ВЕРНУТЬ ДЕТСТВО" Идел буе федераль округы фестиваленең "Ума палата" интеллектуаль-үсеш уены региональ этабы узды.

Уенда ятим балалар һәм ата-ана тәрбиясеннән мәхрүм калган балалар арасыннан Татарстан Республикасы балалар йортларында тәрбияләнүчеләрдән торган сигез команда катнашты. "Ума палата" уены беренче тапкыр онлайн-форматта узды.

I урынны Лаеш балалар йорты командасы, II урынны - Казан шәһәренең Идел буе районы балалар йорты командасы, III урынны Нурлат балалар йорты командасы алды. Җиңүче команда - Лаеш балалар йорты - Уфада октябрь аенда узачак уенның округ этабында катнашачак.