Татарстанның ел укытучысы: Безнең нәселнең укытучылык династиясе 365 ел
Мамадышның 1 нче мәктәбе рус теле һәм әдәбияты укытучысы Светлана Байкеева Татарстанда ел укытучысы дип танылды. "Россия ел укытучысы" Бөтенроссия конкурсының төбәк этабында җиңүче бу һөнәрне ни өчен сайлавы турында сөйләде. Байкеева әйтүенчә, 1 нче Мамадыш мәктәбендә ул инде егерменче ел эшли.
"Әлеге мәктәпне тәмамлагач, аттестат алгач, Яр Чаллы дәүләт педагогика институтына читтән торып укырга кергәч, монда эшләргә калдым", - дип хәбәр итте ул. Укытучы алдында булачак һөнәр сайлау проблемасы булмаган. "Ни өчен мәктәпкә килдем? Кем булырга һәм кая укырга дигән сорау минем өчен беркайчан да куелмады, чөнки мин педагоглар династиясенә керәм. Һәм безнең педагогик нәселебезгә инде 365 елдан артык. Минем бабаларым арасында математиклар, тел белгечләре, музыкантлар, тәрбиячеләр, ягъни үзләрен балалар белән эшләүгә багышлаган кешеләр бар", - дип уртаклашты ул.