Татарстан педагоглары “Тере классика” педагогика форумында катнашты

2020 елның 21 сентябре, дүшәмбе

20 сентябрьдә Россиянең 85 төбәгеннән һәм дөньяның 60 иленнән 30 меңнән артык укытучыны, китапханәчеләрне һәм мәгариф департаменты вәкилләрен җыйган «Тере классика» V Халыкара гуманитар педагогика форумы тәмамланды. Лекцияне өч көн дәвамында 2 миллионга якын кулланучы караган.

Халыкара гуманитар педагогия форумы яңа очрашулар, танышулар һәм белем алмашу өчен иң масштаблы мәйданчык булды. Быел лекцияләр укырга галимнәрне, мәгариф һәм мәдәният өлкәсе экспертларын гына түгел, укытучылар өчен мастер-класслар уздырырга популяр артистларны һәм телевидение алып баручыларын чакырганнар.

Форумның төп максаты - педагогларны илһамландыру, фикерләрнең гадәти барышын үзгәртү, стереотипларны җимерү һәм яңа белем бирү мөмкинлекләрен тәкъдим итү.