Бүген Татарстанда «Абилимпикс» VI милли чемпионаты старт алды

2020 елның 23 ноябре, дүшәмбе

Агымдагы елның 23 ноябреннән 29 ноябренә кадәр Россия субъектларында инвалидлар һәм сәламәтлек мөмкинлекләре чикләнгән затлар арасында "Абилимпикс" һөнәри осталык буенча VI милли чемпионат чаралары уза. Әлеге чемпионатның үзенчәлеге - "Абилимпикс" хәрәкәте үсеше тарихында беренче тапкыр безнең илдә ул дистанцион форматта үтә.

23 ноябрьдә Татарстан Республикасы мәгариф һәм фән министры Илсур Һадиуллин Казан сәүдә-икътисад техникумында булды, биредә бу көнне "Фотограф-репортер" компетенциясе буенча ярышлар узды. Моннан тыш, Казан сәүдә-икътисадый техникумы республикабызда «Абилимпикс» хәрәкәтен үстерүнең региональ координация үзәге булып тора.