Рособрнадзор чыгарылыш сыйныф укучыларына һәм укытучыларга БДИга әзерләнүдә ярдәм итү өчен "Төп йомгаклау аттестациясе навигаторы"н эшләтеп җибәрде

2020 елның 4 декабре, җомга

Мәгариф һәм фән өлкәсендә федераль күзәтчелек хезмәте һәм Федераль педагогик үлчәүләр институты (ФИПИ) 2021 елда бердәм дәүләт имтиханына һәм төп дәүләт имтиханына  әзерләнгәндә чыгарылыш укучылары һәм педагогларга файдалы булачак материаллар буенча навигатор эшләтеп җибәрде. "Навигатор ГИА" Рособрнадзор сайтында махсус бүлектә урнаштырылган. Андагы мәгълүматлар актуаль үзгәрешләрне исәпкә алып тулыланачак һәм яңарачак.