Биектаудагы «Тургай» балалар бакчасы үзенең беренче юбилеен билгеләп үтте
Татарстанның Биектау районындагы «Тургай» балалар бакчасы биш еллык юбилеен билгеләп үтте. Тантанада тәрбияләнүчеләр исеменнән рәхмәт сүзләре, бәйрәм кунаклары исеменнән ихлас котлаулар яңгырады һәм бүләкләр тапшырылды.
Балалар рус, татар һәм инглиз телләрендә шигырьләр сөйләделәр, җырлар җырладылар һәм биеделәр, моның белән кечкенә талантлар заманча балалар бакчаларын ачу мөһимлеген үз номерлары белән күрсәттеләр. Бәйрәм кунаклары ачылу көнендә күпме шатлык булганын һәм күп санлы сабыйларның әти-әниләрен ничек көткәнен бик яхшы хәтерлиләр.
Район башлыгы Рөстәм Кәлимуллин балалар бакчасын төзегәндә нинди кыенлыклар белән очрашырга туры килгәне турында сөйләде. Әти-әниләр һәм тәрбияләнүчеләрнең бәхетенә карап, уртак көч белән барлык проблемаларны да хәл итә алганнар. Шулай ук муниципалитет җитәкчесе коллективның иң яхшы хезмәткәрләренә рәхмәт хатлары тапшырды.
«Тургай» балалар бакчасы мөдире Люция Гобәйдуллина биш ел аз тоелса да, бу бик күп, чөнки зур эш башкарылды, дип сөйләде.
"Коллектив бик нәтиҗәле эш алып баруга юнәлеш тота, алар аңа иҗади, креатив якын килә», — дип билгеләп үтте мәктәпкәчә учреждение җитәкчесе.