Путин: сыйныф җитәкчеләренә түләүләргә өч ел эчендә 225 млрд сум акча юнәлдереләчәк
Якындагы өч елда сыйныф җитәкчеләре 225 млрд. сум күләмендә акча алачак.Әлеге санны Россия Президенты Владимир Путин «Ел укытучысы» Бөтенроссия конкурсы лауреатлары белән очрашуда атады.
«Бары тик сыйныф җитәкчеләренә, ә бу 800 мең кеше, яки мәктәп укытучыларының гомуми санының 75 проценты, якындагы өч елда без бу армиягә укытучыларны ярдәм итүгә 225 миллиард сумга якын акча җибәрәчәкбез», – диде дәүләт башлыгы.
«Мондый карар кабул иткәндә, без укытучының Россия гражданнарының яшь буынын тәрбияләүдә, җитлектерүдә зур роленә таяндык», – дип өстәде ул.
Путин шулай ук мәгариф өлкәсендә дәүләт приоритетларының үзгәрешсез калуын ассызыклады. «Без киләчәктә дә мәктәп, мәгариф системасы чын-чынлап заманча булсын (шул исәптән, тизләнешле интернет барлыкка килсен өчен), һәр бала үз талантын ача, белем дөньясында үз юлын таба, аңа укырга кызык булсын, ә укытучы дәүләт һәм җәмгыять ярдәмен тойсын өчен, барысын да эшләячәкбез», – диде президент.