Юрий Шулятьев «Россия Ел тәрбиячесе-2020» конкурсының беренче сайлап алу турын узды
Бүген, 11 февральдә, Пермьдә финалның беренче туры башланды, ул ике сынауны үз эченә ала – «Минем педагогик табышым» һәм «Балалар белән педагогик чара».
Татарстан Республикасыннан әлеге бәйгедә Казан шәһәре Мәскәү районының 311 нче балалар бакчасының музыка җитәкчесе Юрий Шулятьев катнаша. Бүген ул «Минем педагогик табышым» конкурсының беренче турының беренче конкурс сынауларында катнашты һәм мәктәпкәчә яшьтәге балаларның музыкаль үсеше өчен үзенең иң мөһим ысулларын һәм алымнарын тәкъдим итте.
Икенче турда конкурсантларны тагын ике сынау көтә – «Мастер-класс» һәм «Ток-шоу».
Без Юрий Александровичка уңышлар телибез, аның өчен җан атабыз һәм аны җиңү белән көтәбез!
Исегезгә төшерәбез, 10 февральдән 15 февральгә кадәр илнең 80 төбәгеннән килгән вәкилләр Бөтенроссия конкурсының йомгаклау этабында «Россиянең Ел тәрбиячесе–2020» исеме өчен ярышалар.
Конкурска йомгак ясау, җиңүчене һәм лауреатларны бүләкләү 14 февральдә булачак.
«Россия Ел тәрбиячесе» Бөтенроссия һөнәри конкурсы 2010 елдан бирле үткәрелә. Гамәлгә куючылар – Россия Федерациясе мәгариф министрлыгы һәм Гомумроссия мәгариф профсоюзы.
2019 елда конкурсның төп призын – «Бәллүр энҗе бөртеге» – Пермь шәһәренең «Рыцарьлар һәм Принцессалар мәктәбе» балалар бакчасы педагогы Евгений Пепеляев алды.