Татарстанда I Төбәкара BabySkills чемпионаты узды
Татарстанда 20-21 майда I Төбәкара BabySkills чемпионаты узды. Ярышлар дистанцион рәвештә үткәрелде. Ярышлар идарәсенең үзәге – Татарстан Республикасының Алгарышлы һөнәри әзерлек үзәге булды. Ярыш мәйданчыклары Россия Федерациясенең 8 төбәгендә: Ленинград өлкәсе, Краснодар крае, Татарстан Республикасы, Дагыстан Республикасы, Удмуртия Республикасы, Архангельск, Свердловск һәм Сахалин өлкәләре балалар бакчаларында, мәктәпләрдә, көллиятләрендә урнаштырылды. Ярышлар 16 компетенция буенча үткәрелде:
1. Мәктәпкәчә тәрбия;
2. Башлангыч сыйныфларда белем бирү;
3. 3D-Дизайн;
4. График дизайн;
5. Кием-салым һәм аксессуарлар дизайны;
6. Юл хәрәкәте иминлеге
7. Лаборатор химик анализ;
8. Физик культура, спорт һәм фитнес
9. Кондитер эше;
10. Балалар бакчасында музыкаль җитәкче;
11. Мәктәптә музыка укыту;
12. Ресторан хезмәте;
13. Инженер-төзелеш эше
14. Пешекче эше
15. Чәчтараш сәнгате
16. Программалаштыру
Төбәк этабы призерлары 16 тәкъдим ителгән компетенциядән 14ендә үз көчләрен сынап карадылар. Бәяне Ханты-Манси автономияле округыннан, Мәскәүдән, Камчатка краеннан, Тула өлкәсеннән, Татарстан Республикасыннан, Сахалин өлкәсеннән, Свердловск өлкәсеннән, Ярославль өлкәсеннән, Ленинград өлкәсеннән, Краснодар краеннан, Удмуртия Республикасыннан, Дагыстан Республикасыннан BabySkills компетенцияләре экспертлары һәм менеджерлары бирде.